BATAK RAJA SADARI

Analisa Statistik pangattusion Agus Pasaribu, Boasa didok 'Raja Sadari ?

Dijaman saonarion, nunga gabe andor sipaihut ihuton be akka namasa naniula ni halak batak, tarlumobima diulaon adat. Najolo, akka na marhaadongon do natolap mangulahon pesta adat, ala dihatihai, ikkon sigagat duhut do panjuhutina.

Taida ma saonari halak batak molo pangolihon anak dohot pamulihon boru, dang piga be halak hita naso mangadati.  Tung boha pe pogosna, disukka sukka do patupahon adat na gok. Molo nietong etong biaya na kaluar mangula adat ditikkion, rata rata ma habis 70 sahat 100 juta mulai sian adat patua Hata(marhata sinamot), tonggo raja sahat tu mata ni ulaon.

Denggan do nian anggo maksud ni natua tua i, boha ma asa sangap inna rohana. Alai molo nipikkiran do ganjang tu jolo, hurang do molo ikkon alani utang do asa boi mangula adat. Toho do nian halak batak mangolu dihandang adat mate dihandang tano, alai, "dang sundat pudun nang so jadi palia, dang sundat adat dohot umum nang pe pambaenan so sadia" namarlapatan disi, dang ikkon na marpesta asa didok mangula adat.

Molo adong ma pesta adat pangoli anak manang pamuli boru alani hepeng na niutang 70-100 juta sian Bank, ikkon lunas tolu manang opat taon, sangap do nian nasida sadarina i dimata ni ulaon i, alai dung sidung pesta i, ikkon marhoi hoi ma nabaru mangoli i mangalului hepeng asa adong manggarar utang sappe tolu manang opat taon, asing dope laho manuhor kebutuhan ni rumatanggana.

Sappe tubu ma dua manang tolu gellengna asa lunas utang na di bank i. Ujungna, tong ma marpogos.

Molo tung pe hepeng i nadipapungu pungu asa adong pakkeonna tu pangolian, nunga tumagon i dipakke gabe modal marusaha. Dung denggan ngoluna haduan, boi ma dipatupa adat pangolina digoari ma i "sulang sulang pahoppu". Disiala ni nian, unang ma alani "eme na masak digagat Ursa, i namasa i niula". Ido asa didok natuatua, "mangalakka tu jolo, marpanaili tu pudi" asa unang adong do panolsolion. Dang sundat anak ni raja dohot boru ni raja molo holan mangalua pe dohot tarpasu pasu. Songon nidok ni ende i, ai mangalua pe namasuk adat do. tangando botohon ujungnai jari jari molo tung adong panuraton nahurang lobi parjolo au marsattabi. (Raja Parhata Adat Tingkat Provinsi).